باش تعيشي قصة حب فحال الأفلام شي حاجة خاصك تحيديها من بالك حيت نسبة ديال أنك تعيشيها كتبقا ضعيفة الى منعدمة إمتى يمكن ليك تعيشيها هادا هو السؤال ياك ؟
شنو عطيتي لكرك باش تكوني بطلة القصة! شنو متوفر فيك لي يخليك متميزة على الناس لاخرين! شنو يخلي واحد كاريزماتيك غيخلي شغلو وحياتو ولبنات لي ولينا كنشوفوهم دابا ولاو بلكيلو ويجي عندك نتي! شكون نتي ؟ ونتي مازال مستوعبتيش بلي الحياة ماشي هاد التخربيق لي نتي كيبانلك مهم كتقلبي على وصفات تكبير الأرداف و الصدر و باقا كتهضري بسوايع فليزابيل لي مغينفعوك بتا قلوة باقا كدخلي طلعي vu ليزانفليونسوز لي حياتهم كاملة كذوب باقي كيضربك واحد على الشعة غي حيت عندو حديدة زوينة و باقا كتعطي لبنادم قيمة لي ميستهلهاش
هادشي كامل لخوا لخاوي سوى كنتي كتقراي سوى كنتي خدامة سوى مكنتي كديري والو فحياتك خاصك تحركي من بلاصتك وديري لحوايج لمهمة،خاصك تعرفي بلي نتي مختلفة عليا وأنا مختلفة على وحدة خرى غي كنبغيو نكونو حاجة وحدة حيت بنادم كتعجبو هاد الحاجة
لبسي كيفما كيعجبك و رضاي بطرمتك الصغيرة و ب بزيزلاتك الصغار و معمرك تخلاي على مبدئ أنك غتحواي حتا تزوجي ماشي حيت كينين بنات كيتحواو مع احترماتي ليهم تنوضي تبدلي وتقولي لا الوقت تبدلات وخدمي على حياتك وعطي قيمة لراسك ولواليديك ونهار غتنساي فكرة العاشق الولهان لي كتسنايه باش تعيشي قصة حب ديال الأفلام ديك ساعة عاد غدي يجيك
يعني أي علاقة دخلتي فيها كيفما كانت متكونيش كطبقي عليها قواعد قصة عشق لي كتفرجي فيهم الواقع حاجة خرى توگضي و خلي داكشي يجي راسو ماشي لي تصاحبتي معاه تقولي صافي هادا هو لا ديما طمحي للأجمل وللأطول وللأغنى و تيقي بيا غتعيشي مزيان
طلعو لپوسط يوصل لخوتاتكم 
0 Comments
إرسال تعليق