***المقال السادس***
هى عدم تمالك الشخص لاعصابه او ثورانه من اقل موقف
1_ الظروف والمشاكل اليومية من مسؤلية البيت والاولاد
2_الكتمان
3_تناول المنبهات بشكل مفرط
4_عدم تحمل المشكلات واللجؤ للعصبية والاحساس بعدم الثقة بالنفس
5- التراكمات من الطفوله
6-مشاكل صحية قد تؤدى للعصبية مثل البرد او الرشح والصداع وانخفاض السكر في الدم وزيادة افراز الغدة الدرقية
7- تغيرات هرمونيه زى فترة البريود
1- أمراض القلب : تأتى على رأس المشكلات الصحية التي يسببها الضغط النفسي والعصبي فالضغط النفسي قد يؤدي إلى الإصابة بذبحة أو جلطة في القلب، وفي حالة تلقي خبر غير سعيد أو مزعج أو حتى الدخول في مشاجرة فإن الشخص يكون معرضا للإصابة بما يُسمى «القلب المكسور»، وهو مرض يُصيب عضلة القلب بسبب ارتفاع هرمونات التوتر
2- أمراض المخ: المشاكل الصحية للعصبية لا تقتصر على أمراض القلب فقط حيث تضر بالمخ أيضا فالعصبية تؤدي إلى زيادة نسبة الأدرينالين في المخ، الذي يؤدي بدوره إلى ارتفاع الضغط، الأمر الذي يمكن أن يتسبب في حدوث نزيف بالمخ أو نزيف بالشبكية.
3- والعصبية تؤدى الي قرحات المعدة، وآلام في العضلات، ورعشة في اليدين، وارتفاع مستوى السكر في الدم.
4-العصبية تضعف جهاز المناعة، وبالتالي يكون الشخص معرض للإصابة بالكثير من الأمراض كنزلات البرد، والالتهابات الفيروسية، والتهاب الأعصاب المزمن.
5- العصبية قد تؤدي أيضا لتأخر حدوث الحمل، لأنها تحدث خلل في الهرمونات المسؤولة عن عملية التبويض والإنجاب، مما يؤدي لاضطرابات في الدورة الشهرية ودى اللى ديما بسأل عنها وبقيم منها العصبية ، ومشاكل في الغدة الدرقية والكظرية، فيكون الرحم غير ممهد لحدوث الحمل، وفي حال حدوثه فإن الطفل قد يكون عصبيا، ويتعرض لمشكلات في النمو.
1_ دورى على الحاجه اللى بتخليكى تتعصبى وحاولى انك تنهيها او تبعدى عنها باى طريقه او حتى تقللى منها ومن صدمتها بيكى
2_ حطى نفسك مكان الشخص اللى هتتعصبى عليه وانتى هتتحكمى فى اعصابك
3_ العبى رياضه ديما هى دى اللى بتطلع الطاقه اللى جواكى ..ممكن تكون العصبيه دى نتيجه فراغ وانتى مش لاقيه حاجه تعمليها او ممكن من ضغط الشغل فبالرياضه انتى بتطلعى الطاقه دى
4_ اخترعى اى جديد فى حياتك عشان الجديد دا بيغير المزاج للاحسن ديما وياريت لو حاجه انتى حباها
5_ اعملى لنفسك نظام خروج لازم كل اسبوع تخرجى من البيت اى مكان لو حتى عند ماما او تتعشى ولو فول برا البيت اى خروجه
6_ غيرى شكل البيت كل فتره غيرى نظام اوضتك او بيتك
7_ اشربى ديما عصاير فريش زى الليمون او برتقال او اى حاجه فريش وياسلام على اللمون بالنعناع مهدئ جدااا
8_ وقت اما تتعصبى بقى لو انتى واقفه اقعدى ولو قاعده ارقدى ولو لسه متعصبه قومى اتوضى لان الشيطان كدا استحوذ عليكى
9_ الزمى الاستغفااار دا سلاح مهم جدا فى التخلص من العصبيه
10_ لو احتاجنا علاج بقى بالرغم من انى مش بشجعه بس فيه انوع منها
(موتيفال _بوسبار) بس لازم من دكتور هو اللى يوجهك هو ممكن صرفهم من الصيدلية من غير روشته
11_ فيه علاج وقتى من نفسك ..بتاخدى نفس جامد من مناخيرك وبتطلعيه من شفايفك براحه على 8 مراحل وبتتكرر العمليه دى
12_ فيه كوره مطاطيه دى للتوتر ممكن تشتريها لو متوفره ..وبرضو اللبان كويس للتوتر
13_ (الاسترخاء) ودا بقي بيكون عبارة عن انك تعملى المشروب بتاعك المفضل وتحطى السماعات فى ودانك وتشغلى اللى انتى حباه وتطلعى للبلكونه لو قدامك بحر بصي لو قدامك زراعه لو مفيش فبصي للسما ودا كل يوم مش اقل من ربع ساعه
14_الفضفضة لان الكتمان من اسباب العصبية والاكتئاب
15_ النوم اقل شئ 8 ساعات يوميا ولا يزيد عن 10
16_ختامة مسك ..قراة القران (الابذكر الله تطمئن القلوب)
0 Comments
إرسال تعليق