مواضيع نهذر فيها مع حبيبي

مارس 27, 2021   

 #مهم أنا نعطيكم بعض الأفكار:

#الذكريات: تقدرو تهذرو على الذكريات أكيد الذكريات الزوينة أما الخايبة بلاما نصحك مثلا عقلتي على أول مرة تلاقينا عقلتي على ديك الخرجة مهم أي حاجة زوينة جبدوها ولا هذرو على كيفاش كان كيجيك قبل ماترتابطو وبقاو ضحكو على راسكم.

#الطفولة: باينة كنتي واحد البكاي ولا مشاغب عندك شي تصويرة فاش كنتي صغير كانت كتعجبك شي بنت فالابتدائي سوليه هكا وهو غيعاود ليك على الطفولة وهانتما جبدتو موضوع هدرو على الزبايل لي كنتو ديرو فالقسم والصلخة لي كلاها ومنساهاش واشنو السبب

#هذري معاه على شي حاجة كتفهمي فيها مزيان وعندك فيها أفكار وضابطاها مثلا الدين ولا سياسة ولا أي مجال كفهميه تقدري تفسري ليه شي حوايج غادي يفرح حيت مخك عامر.

#سوليه على اشنو كيدير فهاذ الفترة مثلا عاود ليا أشنو درتي ليوم ملي فقتي حتال دابا.

#إلى كان كيهدر لك على زواج ولا مخطوبين هذرو على الزواج ليوم كيف ولى اشنو الإيجابيات والسلبيات اشنو تبغيو ديرو ملي تزوجو التقاليد ديالكم والتقاليد ديالهم فالأعراس واش كيعجبوه لوليدات.

#الهوايات: سوليه اشنو كيعجبو يدير اشنو الهواية ديالو وعرفيه حتى نتي على الهوايات ديالك إلى كانت كتعجبكم المطالعة تبادلو الكتب وهذرو عليهم ولا سوليه على آخر كتاب قراه واشنو فيه.

#هذرو على بنات ليوم وولاد اليوم على اشنو تبغي ديري بعد كورونا... على صحاباتك وصحابو (ولكن. متعاوديش الأسرار)

المشاعر: عبرو على مشاعر ذيالكم ولكن متعيقوش الشيء إذا زاد عن حده إنقلب ضده قوليه اشنو كيعجبك فيه سوليه علاش كيبغبك علاش ختارك اشنو الحوايج لي كيعجبوه فيك.

#هذرو على كورونا متبقاوش ساكتين .

#تافقو على شي فلم تفرجو فيه فدقة واخا نتوما بعاد منها نيت تهدرو عليه هههه.

#رسلي ليه شي فيديو ولا تصاور ولا نكت ولا أي حاجة ضحكاتك سوليه واش تقدر دير بحال هاذ الحاجة لي فنكتة ولا الصورة ولا رأيو ولا تصويرة شي بلاصة زوينة قولو مكرهتش نمشيو ليها بزوج.

#مليتو من الكتابة قلبوها أوديو وضحكو ولا أبيل.

#لعبو أسئلة وأجوبة مثلا:

1 صفة فيا ولا تصرف كنديرو ومكيعجبكش

2 صفة فيا كتعجبك

3 أغنيتك المفضلة وعلاش

4 إلى ربحتي بزاف فلوس أشنو دير بيهم

5 شحال يكون فعمرك تبغي تزوج....

#بس لي عندها شي حاجا تكتبها فالتعليق باش نستافدو كاملين